ASEP DARSO - LAYUNG BEUREUM

Layung beureum luhur gunung

Mukakeun rasa tunggara..

Layung beureum narembongan

Kananga ge ngarang-rangan

Panutan nu kungsi nyarengan

Ayeuna tinggal lamunan

Kiwari tinggal waasna

Ngupahan palidna rasa

Kabagjaan nu kungsi kasorang

Ayeuna tinggal tunggara

Cinta cinta urang

Ayeuna tinggal lamunan

Duriat duriat urang

Ayeuna ukur waasna

Bagja bagja urang

Ayeuna tinggal impian

Deudeuh deudeuh keur urang

Ayeuna tinggal kalangkang

DARSO - SANCANG CIJULANG

Pungkal péngkol jalanna

Iuh jeung linduh tangkalna

Ngaroyom dahan daun na

Mapaésan alam endah

Harita datang kadinya

Teu sangka geuning teu sangka

Bakal tepang jeung nu lenjang

Sagagang kembang impian

Mipir gawir nu lungkawing

Mapay jungkrang nu longkéwang

Nyungsi arék nitip diri

Rék neundeun rasa kadeudeuh

Ka kembang nu hégar ligar

Sanajan bari jeung anggang

Arek neumbragkeun kahayang

Balaka ngedalkeun cinta

Antara sancang cijulang

Aya angin ngahariring mawa jangji

Antara sancang cijulang

Aya teuteup anu minuhan kadeudeuh

Antara sancang cijulang

Aya cinta nu munggaran

Antara sancang cijulang

Aya cinta langgeng salawasna

DARSO - SAKUR NGIMPI

Saprak anjeun ngaléos

Ngabeubeutkeun duriat 

Hirup asa nunggeulis

Haté mararingis

Saprak anjeun ninggalkeun

Ngararajét cinta urang

Pikiran baluweng pinuh ku émutan

Sagala kabawa anjeun

Saparo nyawa milu ka anjeun

Nikmatna hirup leungit teu nyésa teuing kamana

Létah teu mirasa sagala karasa pait

Saré gulang guling peureum

Kahayang mah ieu teh sakur ngimpi

Anu ngageuingkeun urang

Tina kasombongan diri

Kahayang mah waktu téh mulang deui 

Sabulan anu katukang

Basa silih keukeupan

Ngaahelas kaleungitan

Ngoréjat seseblakan

Lieuk euweuh-lieuk euweuh

Ngagugulung lamunan

Ngarep-ngarep sakur ngimpi

Ngarep-ngarep anjeun datang

Tiap detik ngan patanya

Dimana anjeun...

Létah teu mirasa sagala karasa pait

Saré gulang guling peureum

DARSO - HALANGAN DIRI

Na kunaon.. Sagala rupa

Ngan aral, gagal jeung gagal

Soal cinta jeung usaha

Kandas pamaksadan

Kamudahan bet ngabalieur

Kalapangan naronggongan

Paruntungan, lumpat ngajauhan

Naha.. Naha kunaon

Boa-boa halangan diri

Nu mangrupi dosa-dosa

Kajongjonan kangeunahan

Ngumbar-ngumbar larangan

Boa-boa halangan diri

Nu mangrupi dosa-dosa

Nu ngajajar mani panjang

Sapanjang jalan karéta

Aduh gusti.. Aduh gusti

Kumaha.. Ngénténgkeunana

Aduh gusti..aduh gusti

Kumaha ngabébaskeunna

Panon cireumbay

Mapay-mapay pipi

Rag-ragan kana sajadah

Nginget-nginget laku lampah

Ninggang salah jeung salah

Haté anu meurih

Haté nu ngajerit

Kabeulit ku dosa-dosa

Biwir nu ngageter

Ngedalkeun rasa jiwa

Ampun-ampun duh gusti

DARSO - DULANG KURING 2

Janjina mah ngan saminggu

Bulan-bulan lewat waktu

Melar-melar saban waktu

Meleg-meleg kuring katipu

Pa polisi pa lebe kuring tulungan

Dulang kuring dikeukeuweuk

Teu dipulangkeun... Waduuuh

Geura uih ka bumi

Akang kangen meni deudeupeun

Rasa cinta rasa sayang rek ditamplokeun

Geura uih deui neng

Akang teu tahan geregetan

Ngabayangkeun bulan kadua... Saaaay

Duh eneng, sing karunya ka akang

Duh eneng, cinta akang cinta mati

Papaitan sakur nyelang

Tapi gening kalah manjang

Kaantengan kangeunahan

Ari kuring kuring kekelepekan

Pa polisi pa lebe kuring tulungan

Geuring hate paranas tiris

Saking timburuan

Ala la la lah.. Dulang kuring dikukut batur

Dulang kuring direbut batur

Unggal peuting kuring ngalindur

Nahan napsu ngagedur-gedur

DARSO - CAMPAKA BODAS

campaka bodas wangi nyambuang
tanda cinta kuring jeung anjeun
endah.. mapaesan ditaman ati

campaka bodas nu mawa bagja
kembaran rasa kuring jeung anjeun
endah.. teu aya bandingannana

najan loba kembang anu lian
tapi hiji anu nyongcolang
nu endah ngahias rasa
nu mekar di taman ati
ngan anjeun kembang pujaan

campaka bodas saksi sajati
kembang asih katresna urang duaan
campaka bodas moal rek laas
pasti langgeng abadi nepi ka jaga
najan aya anu lian
ngan hiji nu dipicangcam
loba anu ngarangrangan
kembang pujaan

najan aya anu lian
ngan hiji nu dipicangcam
loba anu ngarangrangan
kembang pujaan

DARSO - BULAN DI CANGKUANG

Iraha.. urang rék kawas waktu ka tukang
Mapay-mapay riak kabagjaan
rarakitan di situ cangkuang

caang bulan.. katutup mega milu nyaksian
dua rasa nu meungkeut kahéman
moal badé pipisahan

tangkal camara marindingan
angin peuting ngaleprokan
dunya asa nu urang duaan
naha ayeuna bet pipisahan

caang bulan di situ cangkuang
kiwari teu weléh narémbongan
carita éndah urang duaan
omat diukir dina lamunan

caang bulan di situ cangkuang
dina rasa teu weléh ngalangkang
najan urang pipisahan
haté mah silih anjangan

DARSO - CURUG CANDUNG

Lalakon urang waktu tepung nu munggaran

Jajantung tepung jajantung

Silih pandang dina rasa

Tilep soca nu harita

Anu ligar rasa cinta..duh bagja

Imut disambut ku imut

Karasa mekarna cinta

Ligar di jero dada

Tembang-tembang cinta anu kacida seungitna

Moal ilang salawasna

Di curug candung

Urang patepung

Di curug candung

Urang kedal jangji

Sehidup semati

Moal tunduk pukah deui

Laksana cita-citana

Bagja dugi ka ayeuna

Di curug candung

Katingal sariak layung

Di curug candung

Pada-pada moal pundung

Kareueus kadeudeuh

Urang beungkeut masing pageuh

Dahan katresna langgeng salawasna

NINING MEIDA - POTRET MANEHNA

Potrét manéhna

Nu ka tampa minggu kamari

Dipiguraan disimpen dihadé-hadé

Anteng diteuteup

Jadi batur dina simpé

Aduh éndahna mapaésan taman haté

Potrét manéhna 2x

Di tilik di sidik-sidik di teuteup di bolak-balik

Kumanis baé

Potrét manéhna 2x

Socana imutna teuteupna sagalana

Ngankeur kuring baé

Potrét manéhna wawakil jirim jinisna

Tanda satia ngarah kangen salilana

Matri hiji dina ati

Gambar diri jadi bukti

Najan anggang langka tepung

Potrét anu digugulung

Potrét manéhna

SAGULING

Kidul kulon tatar Bandung

Saguling ngemplang ngabendung

Ngabendung ngabénténg tineung

Katineung maturan ngangkang

Pasir lembur pasawahan

Ilang tapak ti leleuran

Nu éndah tempat gumetah

Kalebuh cai nu malan (Umpalan)

Saguling talaga mangsa

Saguling mandala rasa

Citarum manjing muara

Carita ayeuna jaga

Péngkolan mapaés jalan

Gupayna tanah kayangan

Meuntas lembur lalayaran

Puseur éndah pangjugjugan

Saguling lain talaga sapasi

Lain dongéng Sangkuriang

Saguling ciciren di lembuk kuring

Gumilang Sunda tatandang

HETTY KOES ENDANG - CINTA

Cinta lir ibarat kalangkang

Deukeut anggang bisa diatur ku urang

Cinta bisa ilang jeung nembongan

Repog jodo ahirna datang sorangan
         Aduh-aduh cinta 2x

Cinta manjangkeun carita

Aduh-aduh cinta 2x

Cinta lir ibarat nu geulis

Gerah indah sinawur séwu mamanis

Cinta perlu jalan anu luwes

Sologoto kapakan diancam putus

Aduh-aduh cinta 2x

Cinta perlu pengorbanan

Aduh-aduh cinta 2x

Cinta perlu kasadaran

Cinta datang na teu kaharti

Mika asih ngan ukur ambon sorangan

Cinta datangna teu kaharti

Gandrung liwung mikangen nu kapiati

Cinta matak anteng beurang peuting

Ngadak-ngadak dunya asa nu sorangan

         Aduh-aduh cinta 2x

Cinta mangkak ligar éndah

Aduh-aduh cinta 2x

Cinta kembangna kanyaah

Cinta mindeng jadi mamala

Mika asih ngan ukur ambong sorangan

Cinta matak gering matak begang

Dipikiran tatamba hésé ubarna

Aduh-aduh cinta 2x

Cinta perlu ka imanan

Aduh-aduh cinta 2x

Cinta ulah jadi kaulinan

HETTY KOES ENDANG - JALAN BRAGA

Jalan Braga jalan intelék

Tidak boléh masuk kéréték

Béca roda bémo honda

Jalanna muter ter datang ti kalér

Har kaburu lieur

Jalan Braga mobil plat beureum

Perhiasan emasna reunceum

Tahan harga jaga géngsi

Meuli tarasi duh kukurilingan

Har teu beubeunangan

Jalan Braga tempat soping jalma gedé

Soal harga itu mah soal sepélé

Tongtonan nu gratis pamér modeu

Nu gareulis dulakdelék ucad aced

Nu nejokeun panas tiris

Jalan Braga tetep teu robah

Teu galideur tahan sajarah

Gunta ganti henteu niru cara nu séjén

Tuh jalan nu patén héy jalan konsékwén

Jalan Braga heurin kagigir

Satengahna béak ku parkir

Barang macét lalulintas hésé rék mundur

Duh barang nu ngatur

Keun wayahna sabar

Jalan Braga jadi jalan kelas hiji

Jadi catur pangimpian urang sisi

Pusat perdagangan

Uratna di kota kembang

Pageuh kuat jalan Braga

Ngarojong ka balaréa

NINING MEIDA - TISAPRAK

Ti saprak, ngawitan tepang

Haté, jadi hariwang

Ingis, anjeun teu ngarti

Da abdi mah, ngawanti-wanti

Harepan, tinggal lamunan

Anteng, dina impian

Anjeun, panutan abdi

Pasini, mikait ati

Kumaha atuh kumaha

Teu wasa abdi balaka

Sok ingis dipulang basa

Tunggara salalawasna

Harepan, tinggal lamunan

Anteng, dina impian

Anjeun, panutan abdi

Pasini, mikait ati

PRAS PRIS

Pras pris hujan soré

Rus ras inget baé

Dag dig dug ratug haté

Ah... Sok aya-aya baé

Pras pris hujan soré

Ingis heunteu sumping

Panutan buah haté

Ah... Piraku jalir janji

Kapan cenah kanyaah moal kahalang ku hujan

Kapan cenah mi asih moal kahalang nu lian

Kapan cenah mi héman tumerus ka lelembutan

Kapan cenah mi cinta lahir tumakaning batin

Pras pris hujan soré

Rus ras inget baé

Degdegan seseblakan

Ah... Teu puguh rarasaan

Pras pris enjing enjing

Haté jadi melang

Longkewang haté manteng

Ah... Kunaon jadi bingbang

Pras pris tengah dinten

Ngumbar pangalaman

Sawangan panineungan

Ah... Jadi emut sorangan

Naha enya asmara gumulung sajuta rasa

Naha enya emutan di tanggungrasa cangcaya

Naha enya katresna pinuh liku romantika

Naha enya satia bakal jadi pangancikan

Pras pris rasa kalbu

Inggis jadi lagu

Haturan mangsa simpé

Ah... Cing surti nu nampina

DALINGDING ASIH

Dalingding asih nu kuring

Dalingding asih nu urang

Ngalangkang galeuh lamunan

Galindeng tembang tilam kamelang

Basa kuring arék miang

Anjeun jajap ngahaleuang

Lawung pataréma gandrung

Geter rasa cumarita

Duh kudu pa anggang

Dalingding asih jatining asih

Jadi angkeuhan urang duaan

Di péngkolan pareng pisah

Rét ka tukang sumoréang duh…

Dalingding ngageri diri

Sorana kantun haréwos

Hawar hawar ngajauhan

Teuteup geugeut lir gugupay

Duh témbong deui gupay deui

BUNGSU BANDUNG - TALAK TILU

Mana nyeri nyeri nyeri teuing

Perih ati di tambélarkeun

Henteu beunang ku disabaran

Alah ieung ku harianeun

Isuk-isuk ngurunyung geus subuh

Purah tunggu ukakeun tulak

Bati peurih kuring sorangan

Alah ieung téga téh teuing

Nyeuri nyeri nyeuri

Moal beunang di ubaran

Kajeun tutumpuran

Paéh gé teu panasaran

Meungpeung ngora kénéh

Meungpeung urang can batian

Pék gera serahkeun

Talak tilu sakalian

Henteu butuh lalaki curaling

Boga rasa sok ieu aing

Ku teu robah teu éling-éling

Alah ieung téga téh teuing

Bubuka

Assalamualaikum wr.wb

Neda widi ti sadayana, sim kuring badé nyobian nyayogikeun rumpaka (lirik) tembang-tembang sunda. Pami aya nu naros téa mah "nanaonan kang nyieun blog téh mani rumpaka, geus loba nu séjén ge nu nyieun téh?!", da karaos ku sim kuring geningan milari lirik sunda téh rada sesah. Ari saur pun biang mah, "da gampil atuh jang hayang apal lagu sunda mah, sing mineng dangukeun wé sing sering, sanggemna teh". Tapi da ari jalmi ayeuna téa sok hoyong instan pami ngupingkeun tembang téh.

Ku kituna, sim kuring nyobi nyayogikeun heula sakatiasana. Didieu ogé sim kuring teu sadayana kénging ngupingkeun nyalira, aya ogé anu kénging nyutat ti blog tatanggi, ieu mah étang-étang janten tambihan bilih dinu sanés teu aya. Da di sim kuring ogé masih kénéh kirang lengkep. Tapi, insya allah ieu blog bade teras di update.

Sakitu waé heula bubuka na mah, da ari panjang teuing mah bosen maca na ogé. Hapunten anu diteda kirang sareng langkung na, hapunten bilih aya saur anu kirang merenah.

Mangga linggih kapalih dieu anu peryogi kana lirik tembang-tembang sunda.

Cag Ah..!!!